Іншамоўныя ўкрапванні як культурны кампанент у творах В. Быкава і іх перадача ў літаратурных перакладах з беларускай мовы на іспанскую мову

Аннотация

Іншамоўныя ўкрапванні —- гэта часта паўтараемы элемент у творах В. Быкава, які эфектыўна спрыяе стварэнню культурнай атмасферы і перадачы чытачам культурных асаблівасцей гістарычнага перыяду, апісанага ў апавяданнях, паколькі дадзенныя ўкрапванні самі з’яўляюцца адзінкамі з культурным кампанентам, звязанымі з пэўнай эпохай. Іх адэкватны пераклад на іншыя мовы ўяўляе сабой сур'ёзную праблему для перакладчыка, мэтай якога з'яўляецца ўключэнне гэтых адзінак у іншыя культурныя сістэмы з мінімальнымі стратамі іх значэння. У артыкуле прадстаўлены вынікі арыгінальнага даследавання, прысвечанага пытанням перадачы іншамоўных украпванняў як адзінак з культурным кампанентам у апавяданнях “Абяліск” і “Знак бяды” беларускага пісьменніка Васіля Быкава  і аналізу перакладчыцкіх стратэгій, якія ўжывае перакладчык пры перадачы іншамоўных украпванняў у інтэрпрэтацыю дадзенных апавяданняў на іспанскую мову (“Obelisco” and “El signo de la desgracia”). Даследаванне таксама ўключае статыстычныя дадзеныя адносна замежных моў ва ўкрапваннях, выяўленых у аналізаваных тэкстах, г. зн. польская, руская і нямецкая мовы. Для дасягнення мэт даследавання выкарыстоўваўся метад суцэльнай выбаркі, а таксама статыстычны, параметрычны, апісальна-параўнальны і кантэкстны метады аналізу.